尋魚記 (已結業)

是日收工同姑姐去左屯門V city食飯上年都有嚟過呢間今次試下金湯酸菜魚$268魚肉份量超多3個人都夠食，仲有紅薯粉，魚肉好大塊厚實，湯唔會酸亦唔太辣，下次可以叫佢加辣蟹粉小籠包$88/4隻皮薄多汁，頭頭已經見到滿滿既蟹粉，中間仲有蟹肉，鮮味十足。炸一口小饅頭$18/3個呢個好有驚喜，一口一個，炸得好香口，外脆內軟，蘸埋煉奶一齊食，正呀！下次可以試埋蒸既。紅糖糍粑$48/4條呢個有別於外面食既紅糖糍粑，因為紅糖包左係入面，一咬開係流心既紅糖，好有心思，每一啖都食到紅糖，糍粑軟糯好滿足。高力豆沙$58/4件上枱熱辣辣好香，入面係紅豆餡亦有紅豆粒，唔太甜，唔錯。店員親切有禮，座位亦十分寬敞，7點幾已經差不多滿座，證明水準有番咁上下。