影片
更多
2022-12-02
42 瀏覽
下午去咗屯門田景見客，見有時間夜晚緊係順便約家姐食飯。因為好耐冇出街打邊爐，所以經商議後大家決定去打邊爐。家姐推薦去附近呢間「花月宮」，之前飲過下午茶覺得食物水準不錯。位於珀御坊1樓，去到門口接待處已經覺得裝修環境相當優雅，看似簡約但又充滿古典及中國風味。餐廳全以卡座形式設計，感覺更有私隱，而每枱座位都非常寬躺。天花掛著特色吊燈、牆上有著各款中式擺設。就環境方面已經首先加分。點餐方面可以傳統方式劃點餐紙，亦都可以以手機掃QR code 進行點餐，更輕鬆方便快捷。火鍋配料選擇多元化，有海鮮、豬、牛、羊、雞、蔬菜，亦有手打丸及魚滑等。更有少量刺生供應，部分需要預訂。《藥膳花雕花膠醉雞鍋》（$228/半隻；$288/隻），我們兩個人所以選了半隻。如果人多一隻更抵食。藥膳香味四溢，未食已經先聞到濃濃藥材及花雕香味。湯底足料，有花膠、淮山、杞子等。店員更細心講解如何可以煮到夠熟而又保持雞肉滑嫰嘅方法。如果朋友仔都想知，建議大家都要去一試。最後我同家姐都有飲左2至3碗湯，個湯真真超香甜。由於醉雞鍋本身已經有半隻雞，所以配料方面想試下海鮮，首選點了《聖子皇》（2隻起）（$48/隻），聖子皇肉厚，鮮味
位於珀御坊1樓，去到門口接待處已經覺得裝修環境相當優雅，看似簡約但又充滿古典及中國風味。
餐廳全以卡座形式設計，感覺更有私隱，而每枱座位都非常寬躺。天花掛著特色吊燈、牆上有著各款中式擺設。就環境方面已經首先加分。
點餐方面可以傳統方式劃點餐紙，亦都可以以手機掃QR code 進行點餐，更輕鬆方便快捷。
火鍋配料選擇多元化，有海鮮、豬、牛、羊、雞、蔬菜，亦有手打丸及魚滑等。更有少量刺生供應，部分需要預訂。
《藥膳花雕花膠醉雞鍋》（$228/半隻；$288/隻），我們兩個人所以選了半隻。如果人多一隻更抵食。藥膳香味四溢，未食已經先聞到濃濃藥材及花雕香味。湯底足料，有花膠、淮山、杞子等。
店員更細心講解如何可以煮到夠熟而又保持雞肉滑嫰嘅方法。如果朋友仔都想知，建議大家都要去一試。最後我同家姐都有飲左2至3碗湯，個湯真真超香甜。
由於醉雞鍋本身已經有半隻雞，所以配料方面想試下海鮮，首選點了《聖子皇》（2隻起）（$48/隻），聖子皇肉厚，鮮味爽口，我嘅至愛。
《珊瑚桂花雙併》（$148），兩款蚌我都好鍾意食，只需放湯滾約十秒左右已經可以食。同樣入口爽夾鮮甜，冇得彈。
打邊爐當然唔可以少了牛嘅。選了《美國頂級手切牛頸脊》（$258），呢款牛有少量油花，不會太油膩，而肉質軟滑，入口有牛香。
最後再加多一個《田園併盤》（$68），就啱啱好了。至於飲品點了一渣《自家製竹庶矛根》（$68），清甜冰凍，打邊爐最佳飲品。
餐廳設有加一服務費，另醬芥每位$18。
整體來說，由裝修環境精美、服務招呼恰到好處、食材選擇優質，屯門區少有的高質海鮮火鍋酒家，推介值一試。
張貼
