可能正正因為係新人事新作風的關係，通常一開始都會用平、靚、正去吸引食客，所以就早去早享受😆😆
訂番兩圍枱試下，同母親大人慶祝生日。
🎂🍧🎀🎁🌺🎉🌻🍻🍺🍺🎧🎤🎉🎉
菠蘿生炒排骨($68)，薄薄的脆皮配上菠蘿的果香包住爽口彈牙充滿肉汁的排骨簡直食落口令人回味無窮，新界猪肉果然係出色。
時菜炒牛肉($56)，青綠幼嫩的白菜配上肉汁鮮味的牛肉味道一流，鑊氣十足，煮的時間剛剛好，最重要係白菜一點農藥味也没有
頭抽豉油鷄($168)，全隻鷄肉鮮滑幼嫩，加上自家製頭抽，配搭一流。鮮鷄没有特别醃製，只是點上少少頭抽已經好好味。
蒜茸粉絲蒸鮮魷($98)，魷魚好鮮味，重口味的蒜茸配上浸滿魷魚汁的粉絲真係無得頂，魷魚連蒜茸連粉絲一齊食，簡直係絕配。💑💑
松子黄魚($168)，黄魚唔係太大條，肉質滑嫩，脆口的魚皮配上酸酸甜甜的醬汁再加上香口的松子口感一流，好醒胃。😃😃
1
小炒王($78)，材料豐富配搭恰當，包括有韮黄、鮮蝦、蝦干、五花腩、腰果，味道令你有驚喜。
豆豉鯪魚油麥菜(68)，新鮮的油麥菜配上豆豉鯪魚，只要水少鑊氣夠，煮的時間不要太耐就會好好食，厨師完全做到。
瑶柱粟米豆腐羹($68)，味道都可以，但是原來呢間菜館的燉湯好出名，可惜一早已經賣晒，有點失望，下次一定會早點預訂。😎😎
壽飽($120)，意頭好重要，母親大人生日又點可以少左佢。即蒸壽飽熱辣辣，皮薄鬆軟，餡料混合了蔴蓉和蓮蓉味夠濃唔太甜。
雪耳冰糖燉木瓜(免費)，清清地唔太甜好潤肺。
樽裝汽水($8)，大樽裝啤酒($15~$34)，今晚可以盡情暢飲。🍻🍻
埋單免收加一，兩圍枱都只是$2,XXX，超抵！
總結，今晚我們一家人兩圍枱都食得好開心又好滿意，下次有機會再幫襯。
