鮨亭 (已結業)

整體都幾抵，質素屬於中上水平～刺身新鮮、食物種類多且份量大👍🏽係位置隱世咗啲，但識路嘅話由屯門巿中心出發都係大約15分鐘左右😆寧願行一陣去呢度食都好過食屯巿啲貴夾普通嘅日本野😂🍽火炙三文魚海膽卷 • HKD$148經火槍燒過好香，但火炙有少少蓋過海膽嘅味🤏不過成個組合都唔錯，唔怕好油膩～✨三色腐皮船 • HKD$68由左至右分別係蔥碎吞拿魚腩蓉、八爪魚沙律、明太子龍蝦沙律腐皮甜度啱啱好，而且啲飯嘅咸度同酸度都適中，所以成件事都好夾😋🍽黑松露鰻魚卷 • HKD$138啱晒松露愛好者，一入口超大陣gas味直湧上個鼻腔度🤣鰻魚好肥美😋🍽鮨亭海鮮爆丼 • HKD$198呢個係廚師發辦，啲刺身組合每日都唔同款～食嘅當日一共九款，分別係八爪魚、金目鯛、劍魚腩、真鯛、三文魚、蟹棒、呑拿魚腩蓉、八爪魚沙律、明太子龍蝦沙律🐟🐠而每款刺身都係厚切，真係好抵😝🍽牛油果三文魚沙律 • HKD$88份量好多，牛油果已經熟透🥑而且配柚子醋食好清新✨鹽燒油甘魚鮫 • HKD$98呢個十分推薦！外皮燒到超脆，但入面嘅魚肉好嫩滑💯而且仲保留到勁多魚汁同魚油，所食落係勁香口🥰🍽日式炸年糕(2件) • HKD$58外皮香脆