Taste Cafe (已結業)

Taste Cafe (屯門)屯門井財街21號協邦大廈地下11號舖虹橋多嘢好嘢食就係人都知，如果你要試晒呢度嘅美食真係夠你食成個月㗎，今日同媽咪食下西餐先。是日餐湯蘑菇味極濃，蘑菇肉切都非常細滑，口感綿蜜，飲落去嘅時候唔太鹹，餐前湯都幾開胃。鮮蝦牛油果芝士焗燒烤菇上碟非常精緻，一個好可愛嘅正方形，澳門芝士嘅表現如何金黃色引人入勝好想食，切開燒烤菇嘅時候充滿拉絲感覺，好好睇。牛油果新鮮好味，芝士鹹香吸引，燒烤菇大大隻入口腍滑多汁。四川麻辣虎蝦意大利麵中西fusion菜式，小辣食落去口感刺激，提升食慾，虎蝦爽滑彈牙夠足料，擺盤賣相優雅，都幾用心製作。蘋果批雪糕厚切蘋果批，粒粒蘋果肉分明，飯後甜品一流。New York cheese cake綿蜜細滑嘅芝士口感，食甜品係另一個胃，多多益善少少無拘。