木玥巷

營業中

休息中

來到屯門約會，想搵個有格調而又坐得舒適，又想有文青feel 的餐廳，二話不說，立刻唸到台灣餐廳木玥巷。之前來過呢間台灣餐廳食過，已經覺得好似去左台灣一樣，無論裝潢同格調都帶有清新的感覺，對於有少女心的我們，食飯都覺得食得開心D. 晚餐時段主食推薦，我選擇了木玥招牌紅燒牛肉麵（$96），這個牛肉麵很特別，湯底好飲同埋牛肉都夠爽口，而我就鍾意佢配有脆卜卜的香炸豆腐卜，泡在湯度食同埋牛肉一起食，真係別有一番風味。朋友係主食方面就點了雞翅包飯，這個雞翅包飯十分特別，我也是第一次吃，就是一個完整的雞翅裡面釀飯，而雞翅外皮香脆，一口咬雞翅更能吃到裡面的飯，飯綿綿的，一次過有兩種口感。小食方面就點了澎湖花枝丸，這個花枝丸好吃在外脆內彈牙，點上醬汁更為好味。最後，食臺灣耶，又點少得台灣飲品，點了兩杯特色飲品，一杯呢度最出名的木玥招牌水果茶，一杯係清涼潤喉的白桃桂花烏龍清茶，絕對有賣相又好飲，大家可以試試。