CHI Tachinomi (屯門市廣場) (已結業)

平時都會過黎元天屯食好野，意外比我發現左位於屯門呢間食串燒既good place餐廳裝修同環境唔錯，好岩約埋朋友小酌一杯。餐廳晚市唔會有套飯，變左點各式各樣既串燒。當中亦不失有特色或者少見既串燒選擇。我同朋友耐無見都點左唔同既串燒，其實都可以好飽。鯖魚係我食串燒必點既，熱辣辣,唔會燒到條魚好鞋～店職員推介既土手燒，以前未聽過，食落有啲似慢煮牛腩，煮到牛肉林身，另外多點個飯，用黎送白飯一流。呢個都係我推介，燒味林雞泡魚乾，又夠惹味，愈食愈停唔到口。燒蠔：一人2隻， 啲蠔好大隻，有鮮味。燒雞皮係我第二私心推介，脆卜卜，而且夠熱，好想再encore! 牛舌都唔錯，唔會燒得過韌，咬落去爽口！燒牛餐肉，估佢唔到係甘厚～外面卜卜脆，入面軟綿綿牛餐肉。