家廚

突然同妺妹想食雞煲放題，就嚟試吓家廚嘅雞煲放題，雞煲味道適中，食材新鮮，脆肉鯇爽脆新鮮無泥味，水魷同鵝腸都好味，尤其小食嘅麻辣腎片，豬耳豬肚夠惹味亦唔會太辣，白雲鳳爪，豬手好入味，食到尾仲有甜品，我揀咗芒果布甸，仲配有新鮮芒果打蓉做個汁，好好味，妹妹揀咗羅漢果凍配紅豆蓉，口感清新，睇得出廚師用心製作，老闆都好親民，會問客人意見，同客人傾吓偈咁，雖然放題係120分鐘，但如果唔多人，老闆亦唔會摧促話夠鐘要離場埋單，整體感覺唔錯，食得非常飽，傾吓食吓不經不覺已經兩個幾鐘，都好愉快，下次會再幫襯👍😊