喜喜中國廚房 (已結業)

我住在香港仔的，我男朋友住屯門，11月26日星期一到屯門和他屋企人食飯，他們本身都好中意食海鮮,所以去了三聖買海鮮上酒樓加エ,本想去海天但他們說服務態度麻麻,我們討論了一陣,經海鮮檔D人介紹去喜喜,還有一張咭片,海鮮檔D人話帶咭片上去有一枝法國紅酒送,我都唔飲酒的,不過都無所為啦!所以就上taxi去喜喜,仲以為好遠,taxi都唔駛跳錶,一入電梯見到張海報寫著自來海鮮三元一兩再八折,好抵呀!心諗都唔知會唔會唔好食,一上到去就有位,一行六人,買了海蝦、蟹、花螺、老虎班.好快就有部長過來問我們點煮.還點了走地雞半只、寸茸豆苗、羊腩煲等等,15分鍾後D海鮮來了,又來了一枝送的法國紅酒,走地雞、羊腩煲都好好味,海鮮檔真係無介紹錯,食完仲有美點同糖水送,有我中意的芝麻胡,埋單$600有找,服務態度又好，我下次一定會再去。