鮨亭 (已結業)

自從上次去過呢間居酒屋之後，就一直念念不忘，今次咁岩又要入屯門，緊係順便去encore啦！日本特盛岩蠔岩蠔足足有成隻手掌咁大，肉質厚身又肥美，配上海膽同三文魚籽，入口鮮味無比。雙色玉子棒 玉子加上芝士同沙律醬，經輕輕炙燒過，淡淡焦香味，入口綿密，裏面藏着滿滿的明太子同蝦仔，用料十足。鐵板安格斯牛扒安格斯牛扒味道濃郁，口感柔軟帶嚼勁，鐵板上熱辣辣，十分香口。松葉蟹肉炒飯 炒飯粒粒分明，入口爽口彈牙，蟹肉份量都不少，再拌均蟹肉蟹籽一齊食，口感層次豐富。