木玥巷

營業中

休息中

屯門虹橋近年已經成為美食天地，唔少小店美食都令人讚不絕口，今次朋友帶我嚟食嘅係台灣料理 #木玥巷 ，餐廳午市時間要排隊等幾張枱，建議避免午餐時段嚟。入到餐廳裝潢好舒服，有台灣Cafe 感覺，茶色玻璃設計令店內顧客可以更舒適享受餐點，menu午市套餐有7個選擇，小店嚟講已經好夠客人揀，點餐期間留意到好多都係熟客再返嚟食，相信口碑唔錯。紅燒牛肉麵套餐，湯底一睇就知夠濃，牛肉足足三大件，足料，麵嘅份量唔算多，男士未必夠飽；味道方面：湯底甜而清澈， 牛肉炆得軟綿可口，味道濃郁，麵條口感彈牙，好味👍另外叫咗兩個台灣直送小食台灣雙色腸，黑色嘅應該係墨魚香腸，同原味一樣烤得外脆內軟。蛋黃炸芋球，好有饒河街夜市風味😍芋蓉香軟，蛋黃鹹香，味道好夾，3粒唔夠皮，正！飲品：招牌水果茶及黃金水果茶 超大杯，招牌有西柚，清新酸甜，我好鍾意；黃金加入鳳梨，飲落有夏天氣息，都好正。