影片
更多
2018-10-01
631 瀏覽
♡最近見到友人上載左一張呢間咖啡廳既all day breakfast相裡面竟然有香港少見既台式奶油燒作為包包控既我自然要去一試!!呢間咖啡廳一如其名 位處於走廊盡頭既轉角位置裝潢雖然簡單 但俾人一種幾chill既感覺~咖啡廳分室外同室內平日1點幾去到已經幾乎滿座為左涼冷氣 我揀左裡面既位置~午市既食客似乎以上班族為主~~人來人往 有少少破壞左咖啡廳本身既氣氛所以應該平日非繁忙時間黎會比較合適~一去到我就亳不猶豫咁點左心心念念既all day breakfast因為有lunch set既關係 加$8就可以轉mocha等左一陣ice mocha就率先黎到..mocha既味道不過不失上層係濃濃既奶泡 下層係濃縮咖啡加朱古力 顏色漸層做得好靚!♡飲落味道唔係太苦 但朱古力既味道可以加出加上因為太多冰塊既緣故令杯野後期變得有d淡 有點可惜~不過最令人驚喜既其實並唔係mocha既味道而係佢地用上環保吸管 為保護地球齊齊出力 好用心令我更欣賞既係佢既全日早餐!以$78既價錢黎講食到個咁豐盛既all day breakfast真係幾抵!!而且每樣食材都煮得恰到好處 食到lamlam脷先講沙律菜 新鮮
裡面竟然有香港少見既台式奶油燒
作為包包控既我自然要去一試!!
呢間咖啡廳一如其名 位處於走廊盡頭既轉角位置
裝潢雖然簡單 但俾人一種幾chill既感覺~
咖啡廳分室外同室內
平日1點幾去到已經幾乎滿座
為左涼冷氣 我揀左裡面既位置~
午市既食客似乎以上班族為主~~人來人往 有少少破壞左咖啡廳本身既氣氛
所以應該平日非繁忙時間黎會比較合適~
一去到我就亳不猶豫咁點左心心念念既all day breakfast
因為有lunch set既關係 加$8就可以轉mocha
等左一陣ice mocha就率先黎到..
iced mocha
$8
32 瀏覽
0 讚好
0 留言
mocha既味道不過不失
上層係濃濃既奶泡 下層係濃縮咖啡加朱古力 顏色漸層做得好靚!♡
飲落味道唔係太苦 但朱古力既味道可以加出
加上因為太多冰塊既緣故令杯野後期變得有d淡 有點可惜~
不過最令人驚喜既其實並唔係mocha既味道
而係佢地用上環保吸管 為保護地球齊齊出力 好用心
令我更欣賞既係佢既全日早餐!
all day breakfast
$78
38 瀏覽
0 讚好
0 留言
以$78既價錢黎講食到個咁豐盛既all day breakfast真係幾抵!!
而且每樣食材都煮得恰到好處 食到lamlam脷
先講沙律菜 新鮮之餘又淋上酸酸既汁料(係黑醋嗎?) 令人份外開胃
滑蛋炒至「旋風蛋」既樣式 非常滑身 蛋味亦足
夾埋番茄焗豆食味道更錦上添花~
煙肉亦煎得剛剛好 唔會好似simplylife食過既乾柴煙肉咁 仍然保留左肉既口感
連向來唔多太鍾意食煙肉既我都忍唔住食哂成條
炒菇亦唔錯 落左少少黑椒帶出佢既天然味道 相信並唔係罐頭貨~
個早餐裡面仲有日式南瓜薯餅♡
令整個早餐突然變左fusion菜 感覺幾有趣
薯餅外皮炸至香口酥脆 內裡則係軟綿綿既薯蓉 混雜左唔少蘿蔔粒同洋蔥粒 好好食
不過唔肯定係自家製定外來貨 如果係自家製既話相信會更加分!!
all day breakfast
$78
49 瀏覽
0 讚好
0 留言
呢種台式麵包係香港既麵包店非常少見
目前我都只係係嚐麥手作同85度c食過~~ 所以今次能夠食到真係好開心
未食之前已經聞到好大陣奶油香味 令人食指大動
佢既外皮焗得非常香脆 好有咬口 而裡面既麵包又能保持鬆軟 好讚♡
加埋麵包表層既砂糖 真係令人欲罷不能
令人好有衝動即刻買多幾個番去做早餐!!♡♡
唔知未來店家會唔會單售麵包呢?!
食完呢個all day breakfast真係好full好滿足♡
以價錢同食物味道黎講 佢可以話係屯門區內少有既高質cafe~~
下次黎到華都商場 不妨去一去轉角位置
品嚐一下「轉角」吧!
張貼
