鮨亭 (已結業)

面豉湯 和風沙津面豉湯不過不失，和風沙津，蔬菜新鮮，沙津醬汁微酸，十分開胃。蟹籽蒸蛋，有嗚門卷冬菇同蟹籽粟米，幾幾料，雞蛋嫩滑，有好香既蛋味，材料令到成個蒸蛋既口感同味道更豐富。鱆紅 三文魚 劍魚腩厚切刺身，每件都好新鮮，肉色好靚，食落完全無腥味。精選壽司唔知咩壽司黎，好似全部都係魚類，由於平時都唔會叫黎食，無得比較，唔知算唔算好食，口感同肉質有小小唔同，一樣無腥味。蕃薯天婦羅即叫即炸，粉漿薄薄一層，香脆可口，不油膩，帶有蕃薯本身既甜味。安格斯牛肉牛肉黎到就已經切好，好識合我地依d懶人。牛肉味香濃，肉質非常好，有口感，又唔會因爲有根咬唔爛，以醬汁調味佈滿整塊牛排，味道獨特。吉列黑豚外層香脆可口，黑豚肉嫩偏腍，絕對高質，吉列皮同肉完全無分離現象。迷你鰻魚飯完全唔迷你既迷你鰻魚炒飯，炒得夠哂火喉夠乾，飯粒粒分明，加埋同鰻魚絕配既鰻魚汁，用料十足，鰻魚既份量都唔小。