WOFT (已結業)

餐廳內播著輕快嘅英文歌，加上暗淡嘅燈光，令個人不自覺地放鬆，可以專心享用眼前嘅美食。之前成日經過呢間餐廳，以為係酒bar剩係有酒飲。但原來呢度有好多好野食架！點了「白汁蘑菇海鮮狗仔粉」、「經典烤焗香辣雞中翼」、「一口迷你四色漢堡包」、「麻吉年糕燒」、「皇牌燒牛舌」同埋一杯mocktail “Billion Bacteria”。白汁蘑菇海鮮狗仔粉見餐牌竟然有狗仔粉食，我覺得好驚訝！狗仔粉呢種街頭港式小吃竟然喺西式餐廳都食到？！好奇心驅使之下就嗌左。未食過咁樣整嘅狗仔粉，好新奇好有創意，中西合璧，有另一番風味！有好多隻蜆，全部鮮甜多汁冇沙。附上菜蒲，脆口嘅菜蒲配合粗身有咬口嘅狗仔粉，口感層次豐富。經典烤焗香辣雞中翼皮脆肉嫩又juicy。顧名思義有少少辣，但唔會辣到食唔到。外皮有蜜糖味，甜甜地。正好中和一下辣味。一口迷你四色漢堡包有紅、橙、黃、綠四隻色嘅漢堡，好色彩繽紛呀！呢個迷你漢堡真係好迷你，真係可以一口咬到，細細粒，好得意！牛肉有香草味，肉煎過，外層有少少脆口。包外脆內軟。細細嚿，食完唔會太飽，過下口癮都唔錯！中間有d沙律菜。雖然本身冇乜點落沙律醬，但因為d沙律菜夠新鮮爽脆又唔苦，食沙