影片
更多
2018-07-15
2384 瀏覽
今次係第四次食Frites。之前幾次都係老細請食飯，今次終於可以自己點菜食啦！灣仔呢間frites個場係最靚，夠大夠四正也有氣派，入面既裝飾都好有外國餐廳feel。餐牌有前菜、招牌青口、沙律、主菜。全部份量都唔小野，因為伴碟通常都有薯條或麵包。先黎一個蟹肉沙律做前菜。其實都幾大份，仲要配麵包，我食完都半飽啦。沙律好足料，仲有牛油果呀！食落口感多層次，有爽脆既菜、蟹肉鮮味同牛油果既飽肚感。不過沙律醬比較多，所以味道偏咸。跟著就係招牌青口！我地叫左House Mussels。伴碟仲有法飽同薯條。Frite既薯條係signature，有名你叫。佢會配蛋黃醬，炸得酥脆，火喉岩岩好！我地點左半公斤青口，已經有好多隻！青口不太大隻，但很鮮甜。而且容易起肉。湯汁不太creamy，偏流質，但相對無咁膩。味道亦清淡，令海鮮味更出。我特別中意佢個法飽，煙韌有咬口。而且可以點湯汁，更易品嚐湯汁既精華！呢個係沙律，另加安格斯牛做toppings。餐廳經理上菜時話呢碟係佢至愛。我食完都將呢碟沙律列為心中既number one。沙律入面好多料，牛油果、藜麥、紅菜球等等，都係健康又少見既沙律材料，而且份量絕大方！安
灣仔呢間frites個場係最靚，夠大夠四正也有氣派，入面既裝飾都好有外國餐廳feel。
餐牌有前菜、招牌青口、沙律、主菜。全部份量都唔小野，因為伴碟通常都有薯條或麵包。
先黎一個蟹肉沙律做前菜。其實都幾大份，仲要配麵包，我食完都半飽啦。
沙律好足料，仲有牛油果呀！食落口感多層次，有爽脆既菜、蟹肉鮮味同牛油果既飽肚感。不過沙律醬比較多，所以味道偏咸。
跟著就係招牌青口！我地叫左House Mussels。伴碟仲有法飽同薯條。Frite既薯條係signature，有名你叫。佢會配蛋黃醬，炸得酥脆，火喉岩岩好！
我地點左半公斤青口，已經有好多隻！青口不太大隻，但很鮮甜。而且容易起肉。
湯汁不太creamy，偏流質，但相對無咁膩。味道亦清淡，令海鮮味更出。
我特別中意佢個法飽，煙韌有咬口。而且可以點湯汁，更易品嚐湯汁既精華！
呢個係沙律，另加安格斯牛做toppings。餐廳經理上菜時話呢碟係佢至愛。我食完都將呢碟沙律列為心中既number one。
沙律入面好多料，牛油果、藜麥、紅菜球等等，都係健康又少見既沙律材料，而且份量絕大方！
安格斯牛亦相當有水準！沙律158元再加90元牛肉，真係好抵食！下次再光顧絕對會encore呢碟！
友人點左個豬手，肉質夠juicy好味，不過我地真係已經好飽。底下仲有好多雜菜，營夠均衡。豬皮比較硬，我無食到。
入面仲有大骨一支。
今次太飽無叫野飲，但佢既生果啤酒都好有特色架！而且啤酒配海鮮、薯條都好夾。寫完好想再去食！
張貼
