響丼丼 (已結業)

屋企打打下機肚餓，自然諗住走落街求其食，斷估唔會先喺呢度搜尋一番，然後最後決定去連鎖快餐店。不過有時去到人哋個屋邨之際飢腸轆轆，都想搵下好野食，所以他朝有人嚟到安定「搵食」，至少有一個參考。你唔會諗住喺呢度食到Omakase，但至少唔會令你覺得無招呼；你唔會諗住喺度食到新鮮食材，但至少唔係食到腥臭魚生；你唔會諗住有人整個心心炒飯出嚟，但至少唔係佐料主菜雜亂無章。一飯一湯一小菜，令你有氣有力繼續返歸打機，屋邨鋪比到你可能就係得咁多。