味千拉麵 (愉景新城) (已結業)

平時食麵好少會叫外賣，就算分湯上送到嚟屋企一係麵硬哂一係湯凍哂🤭 但今次用網上外賣平台 叫呢個最新推出嘅拉麵外賣包真心ok! 佢用咗特別包裝，拉麵同湯底分開之外，仲提供埋發熱包，而拉麵係冇煮到全熟，咁送到屋企嘅時候/想食嘅時，可以按照自己拉麵軟硬嘅喜好，調節焗麵時間。做法都簡單快捷，同煮個杯麵差唔多，就算我放咗入雪櫃隔咗晚先整都冇問題，佢有清楚寫明5步指示，無論味道定賣相都還原返，唔使出門口都食到堂食風味嘅拉麵懶人包。