賓墟冰室

營業中

休息中

賓墟冰室，冰室字眼就令我想起胡楓同芳芳年代。見佢餐牌都好多選擇，亦有套餐，我揀一款套餐(送蠔油生菜一碟)兩個白飯同兩杯飲品。兩碗中湯霸王花、蜜棗、南北杏、紅蘿蔔煲瘦肉湯，好清潤冇味精嘅湯水。蒜蓉粉絲蒸蝦，蝦做法係開邊蒸，蒸出嚟蝦嘅鮮味比蒜蓉粉絲索晒，好餸飯。菠蘿生炒骨，我最愛食新鮮菠蘿，而洋蔥、青紅椒同生炒骨係最夾，生炒骨醬汁甜酸適中，開胃小炒。另外單點。瑤柱三色蒸水蛋蒸蛋出嚟口感都滑，每一口都有皮蛋咸蛋粒，我覺得主角就係豉油熟油，咸甜中帶出蒸蛋嘅精髓。