相馬日式火鍋 觀塘 (已結業)

今日因為屋企有人生日，所以我就卜左黎依間比較日式既火鍋店食野，平時打邊爐食既野都係比較大排檔FEEL，依到就係shabu shabu，雖然依加去唔到旅行，但都可以當回味下去日本食野個陣麻，我地入到黎，服務員都好細心，每個位都服務得好好，上菜個D又快，而餐廳內裝潢簇新時尚，光猛透亮，加上地方乾淨企理，令人坐得舒服自在。所以整體感覺都唔錯我地叫左美國特選牛肩胛，牛肉非常軟滑又夠肉汁，牛味濃郁，入口帶牛肉天然香，就算唔洗配料都以經好好食，啖啖肉既感覺真係良好，仲要佢牛肉既質感都唔鬆散，好實正，同街市肥牛無得比阿🙊🙊仲有叫到海鮮拼盤，感覺提高左成餐既份量感，佢有多款時令海鮮，當中包括有大頭蝦、虎蝦、帶子、青口、蠔、蜆、東風螺同蟹柳。大頭蝦好大隻，淥完都無縮到水，蝦肉結實彈牙，鮮味無比。虎蝦亦不遑多讓，肉質紮實飽滿，蝦味濃郁又鮮甜。仲有叫到唔同熟食，咁樣感覺先回本架麻，但唔可以浪費食物，我地有食曬架，例如雞翼啦，勁多款阿，蒜蓉牛油雞翼脆卜卜，充滿蒜味又帶鹹香。水牛城雞翼味道香濃，辣得嚟夠惹味，配凍飲一流！土匪雞翼皮脆肉嫩，辣香滲進雞肉中，相當香口。😋😋