Café 100 by The Ritz-Carlton (裝修中)

次次見到人哋打卡，心諗究竟係邊度可以食到咁靚海景嘅下午茶。終於知道原來係sky100入面。一去到門口，同職員講你食下午茶，就會有專人帶你去搭lift上去。一上到去已經坐滿人，好彩一早book咗位，先可以坐窗口位置。所以大家如果想坐窗口位置望無敵海景，記得預先預約。如果唔係就冇得坐。由於一早買咗下午茶套票，去到佢就會直接比tea set你，同埋兩杯咖啡。不過真心坦白講，黎得呢度食，都係食佢個景，而唔係食食物質素。所以佢嘅下午茶食物質素，真心一般，有待改善。食完野之後仲可以環繞360度望吓香港景，都算係咁啦。總括而言，嚟打卡呃like，都值得推介。但唔好期望嘢食會好食。哈哈。