津屋爐端燒 (已結業)

Item: 津屋爐端燒
Rating: 4
Author: 疍散

Junya Japanese Restaurant

168 食評

味道

環境

服務

衛生

抵食

3531

九龍城

$101-200

日本菜爐端燒壽司/刺身串燒

135

疍散

等級2

結婚一週年, 因近日我倆滿腦子都是有關腹中bb, 忘記了好好安排慶祝, 我亦忘記了到Morton's訂枱, 令老公未能享用美味牛扒. 還好老公體貼, 一齊再諗食乜好, 睇吓睇吓, 見到津屋仍有時段可以 book 枱, 就決定到此兩個半人慶祝.18:45左右到達, 未爆場. 環境尚算舒適清潔, 唔會太暗, 唯獨座椅...如果改用木或籐, 整體效果會更好, 更rustic. 牆上掛了很多木製牌, 例出部分菜式, 正常居酒屋setting. 最吸引我眼睛的, 是手寫的 special. 鯛魚湯霜, 飛魚刺身, 伊佐木(Isaki)薄切, 去筋吞拿魚腩, 但因有半個人仔, 所以我唔可以食魚生, 老公當然細心陪我一齊唔食, 免得我忍唔到口. 所以是晚全以熟食為主, 同埋冇得飲清酒.:: 前菜 ::一坐下來就奉上玄米茶同一小碟前菜, 味付螺內加青瓜粒及人工蟹柳絲. 問題係, 埋單時發現原來每位硬食$10...老實講, 唔太喜歡於沒有明顯說明下要付錢硬食前菜, 加上這個前菜極之無誠意, 買些現成貨撈一撈就算, 根本唔值$10. 老闆不仿考慮改用一些低成本 home cooking 小菜, (如芝麻菠

結婚一週年, 因近日我倆滿腦子都是有關腹中bb, 忘記了好好安排慶祝, 我亦忘記了到Morton's訂枱, 令老公未能享用美味牛扒. 還好老公體貼, 一齊再諗食乜好, 睇吓睇吓, 見到津屋仍有時段可以 book 枱, 就決定到此兩個半人慶祝.

18:45左右到達, 未爆場. 環境尚算舒適清潔, 唔會太暗, 唯獨座椅...如果改用木或籐, 整體效果會更好, 更rustic. 牆上掛了很多木製牌, 例出部分菜式, 正常居酒屋setting. 最吸引我眼睛的, 是手寫的 special. 鯛魚湯霜, 飛魚刺身, 伊佐木(Isaki)薄切, 去筋吞拿魚腩, 但因有半個人仔, 所以我唔可以食魚生, 老公當然細心陪我一齊唔食, 免得我忍唔到口. 所以是晚全以熟食為主, 同埋冇得飲清酒.

:: 前菜 ::
一坐下來就奉上玄米茶同一小碟前菜, 味付螺內加青瓜粒及人工蟹柳絲. 問題係, 埋單時發現原來每位硬食$10...老實講, 唔太喜歡於沒有明顯說明下要付錢硬食前菜, 加上這個前菜極之無誠意, 買些現成貨撈一撈就算, 根本唔值$10. 老闆不仿考慮改用一些低成本 home cooking 小菜, (如芝麻菠菜, 薯仔沙律) 及免費附上, 可能更親切. Otherwise, 倒不如不做前菜. 津屋的價位不算低下, 是否有必要收呢$10前菜費去維持成本呢?

:: 和風沙律 ::
和風沙律有mixed greens, 青瓜同角切魚生, 有八爪魚, 油甘魚, 三文魚, 吞拿魚及希靈魚. 基本上除了希靈魚我地唔鍾意食之外 (simply not our cup of tea), 其他魚生都好新鮮, 配以日式油醋汁, 是一個不錯的開胃菜. (多謝老公比我食小小魚生, 以解我過去3個半月的相思之苦~~)

:: 韓風焗蠔 ::
蠔是老公至愛, menu有的話當然唔會放過! 焗蠔, 煙肉蠔串同生蠔, 經過一番掙扎, 我地選擇了韓風焗蠔! (生蠔我唔食得, 煙肉蠔串有燒得dry嘅危機). 一客兩隻, 用的蠔不算細, 蠔底鋪了小量雜菇, 蠔面鋪滿以韓式辣醬提味的蛋黃醬, 好惹味, 蠔亦焗得恰好, 一啖咬落去, 好多汁! 老公好鍾意食, 意猶未盡, 食到尾再追加多一客!

:: 燒三文魚皮 ::
這個燒三文魚皮認真不得了! 師傅細心燒出香脆魚皮, 魚皮上有一點點三文魚肉, 香脆之餘, 留有點點魚油的香. 如果沒有叫野菌鵝肝飯, 我真係會想加個紫菜茶漬飯, 自製一個燒三文魚皮紫菜茶漬飯!(幻想中:魚油的豐腴加上綠茶的清香...)

:: 野菌鵝肝飯 ::
這個菜式可謂全晚最笨之選... 因為想食鵝肝, 所以我地放棄了海膽炒飯. 一片煎香的鵝肝, 加上十數條本菇hea嚮一大舊飯上面, 淋上小量燒汁再加上細切大蔥, 唔太知佢想點(日式碟頭飯加底?)... 件鵝肝亦不算理想, 外面煎得不夠脆, 有筋, 亦有小小腥, 不討好. 但本著不浪費的心態, 都成個KO佢.

:: 燒牛舌 & 大蔥牛肉串::
燒牛舌一般, 灑鹽不夠. 大蔥牛肉串的牛肉燒過火, totally overcooked. 唔值呢個價錢. 新蒲崗的歎燒做得比津屋好.

:: 鹽燒海鰻 ::
是晚亮點!!當我打開menu一見到有鹽燒海鰻, 已經決定要叫!
最後上場就是這個鹽燒海鰻及追加的韓風焗蠔. 這個鹽燒海鰻比燒三文魚皮更加不得了!!真係食得出師傅的細心! 魚身不薄, 亦大份, 魚皮燒得香脆, 魚肉仍然保持濕潤, 一啖咬落去鬆鬆軟軟的, 沒有骨, 啖啖肉. 如果可以再多灑一點鹽, 配上桔仔而不是檸檬, 或者配以蘿蔔泥柚子醋做沾汁, 可能會更好. 因為太好食, 所以埋單時特別請侍應代為多謝師傅的手藝.

(幻想中: 加杯燒酌或冷清酒...)