碗盛 (已結業)

喺天后附近起咗好多新住宅，令到當區食肆多咗唔少，搞到我都心癮起要去試新嘢哈哈～呢一間碗盛新開張冇幾耐，餐廳裝潢舒適乾淨，更加有榻榻米房間，最適合約埋三五知己把酒談心，即使大聲說笑都唔怕。而且食物種類都好有心思 多得嚟仲好有特色🥰•清酒Combo🥃•-食串燒炸物點少得清酒配搭呢，經過店員推介後，我哋決定揀Combo嚟試吓～包括3款清酒，分別有神藏、望，同埋雁木。三種層次嘅清酒可以一次試晒，其中兩款有少少微碳酸嘅感覺，感覺清爽，再加埋佐酒菜簡直係絕配！•黑蒜油枝豆🟢•-呢款前菜適合用嚟佐酒，咸度適中。除咗利用咗黑蒜調味之外，仲用咗牛油帶出嗰味道，令到枝豆外皮好入味。•水雲醃漬物☁️•-質地雖然有啲黏，但味道酸甜，作為開胃菜最適合不過。而且拌勻薑蓉一齊食，增添少少辛辣感，暖一暖胃。•自選串燒🍢•-雞皮燒得香口脆身，而燒白鱔彈牙爽口，完全無泥味。厚燒牛舌就燒得剛好，冧身兼且牛香味十足。特別一提呢串紫蘇葉芥末豬五花腩，平時韓燒夾紫蘇葉未必會接受到紫蘇葉嘅味道，但呢度加埋芥末，反而令串燒更為清新。•雜錦天婦羅🍤•-主要有炸蝦、蕃薯、南瓜、冬菇，同埋茄子，呢度嘅炸漿比較脆口，即使沾咗醬油都唔會食到一啖