鶴崎居酒屋 (已結業)

官塘海傍宏利大廈曾經係我常去的地方，雖然離地鐵站有少少距離，但食完行吓海傍散吓步都好寫意，有一排冇到，呢日來到官塘唔見咗之前食開間酒樓，但就發現咗呢鶴崎居酒屋，咁一場來到，即管試下。坐低見到隔離座的雲糖壽喜鍋似乎好得意咁，於是有樣學樣跟住嗌，挑選咗安格斯牛小排呢個配搭，牛小排超大份，內有超滑豆腐，娃娃菜，青菜，紅蘿蔔， 白色菇的壽喜鍋上面有一個即製的棉花糖，一邊燒嘅同時我亦口痕食咗幾啖棉花糖，好開心。湯滚咗之後落1、2件牛小排灼住來食，跟住倒埋落去一齊煮，牛味勁濃又有棉花糖助攻，成件事好甜，好美好。燒物冬菇，雞腎，露筍豬肉卷亦都好味。北海刺身丼以佰零蚊的價錢有7樣刺身配搭實在超值。