森屋

營業中

休息中

第二日就要飛日本玩幾日，放低肥髀幾日，今日同佢食最喜歡嘅日本菜，因為要到灣仔買啲去旅行嘅物品，順道在呢區搵食！去到門口，深木框窗口加鮮紅檔布，入內燈光昏黃，深木加好多日式裝飾，地方唔大！樓底高唔壓迫，被安排坐最內圍嘅小桌子，餐牌好有趣，唔係一本，係一張張獨立嘅卡，每張卡一種類別嘅菜色！樓面只有一個女店員，廚師一個，落咗幾款食物，今晚人手不足，要等幾耐（我落好單到最後一款食物上菜要一小時）有一枱客都問咗幾次催促！女店員致歉話假期後唔夠人手！我放假唔急就無催！特製北海道冷麵（$90）第一眼以為係蟹籽沙律，同平時見嘅冷麵唔同，一個大湯碗放晒所有材料連汁，基本係一碗冷湯麵，麵係蕎麥麵，滑身，青瓜絲爽口，蟹柳唔假，加啲粟米粒，湯汁夠凍，微鹹好味！溏心蛋（$15）同冷麵一齊食，更似湯麵，碗仔另上，已切半，蛋白嫩滑，蛋黃啫喱狀，好濃蛋香，湯汁微鹹，已滲入蛋白，好味芝士年榚（$24）一個切半，烤得幾香，年榚煙韌，芝士餡半溶，芝士味雖然唔太濃，煙韌好味日本蕃薯（$28）係大蕃薯切件，蕃薯皮香脆，天然蕃薯唔太甜，燒得幾香！好味！厚切牛舌（$48）牛舌三塊，加咗鹽同黑椒粒燒，所以微辣，牛舌有咬口唔韌，冒晒油