三川居酒屋 (已結業)

工作過後 想同朋友聚會傾偈呢間居酒屋係個唔錯嘅選擇～餐廳位於軒尼詩道 地方位置容易搵而且有木式間隔 隔音不錯 方便傾偈之前試過單點串燒、刺身今次就叫咗$598特盛二人套餐套餐有齊沙律、刺身、鍋物、燒物、食事（飯或麵）、甜品最啱啲乜都想試嘅人～牛油果三文魚野菜沙律配搭不錯 酸甜清新 非常開胃魚脂刺身三點盛包括有三文魚刺身、劍魚腩刺身、左口魚邊刺身每一款都新鮮個人特別喜歡劍魚腩刺身平時日式壽司店較少見口感綿軟 入口油脂滿溢濃湯時令海鮮鍋海鮮鍋入面有帆立貝、蜆、蝦配上娃娃菜、豆腐、菇等等湯底鮮甜 忍唔住飲咗幾碗岩鹽香草燒紐西蘭羊架燒得剛剛好 肉汁豐富蟹膏蟹肉炒飯呢個炒飯相當有驚喜加咗木耳絲 提升整個炒飯口感層次而且蟹膏蟹肉相當足料甜品我哋叫咗綠茶雪糕同豆腐雪糕用嚟作為嘅日式豐富晚餐嘅round up洗走一個星期疲累嘅工作！整體性價比：🦖🦖🦖🦖三川居酒屋地址：銅鑼灣軒尼詩道499號永光商業大廈