影片
更多
2017-10-24
62 瀏覽
喺香港主打串燒嘅居酒屋可以話開到成行成市，不過想搵間好食又就腳都幾難，今次同朋友去咗筲箕灣東大街，食咗間叫桻之燒嘅居酒屋，真心同大家推介吓。我哋差不多8點幾去到東大街，拍車都算容易，一入到去坐低，menu 好多選擇，老闆亦介紹一啲招牌菜，唔洗一陣，啲嘢食就續樣到，先嚟咗松葉蟹多士，個蟹肉醬好濃，咬落啖啖蟹肉，好開胃～再上就有三款漬物～有秋葵、牛展粒同牛蒡，全部都好入味開胃～雞泡魚干，燒得唔乾身仲保持juicy～送酒一流呀，再接我哋又order咗成塊面咁大嘅手打墨魚餅，超彈牙！有味醉香雞翼如果你以為係普通醉雞就錯過哂，原來係炸雞翼版，外皮香脆得嚟仲保持多汁，大陣酒香忍唔住食完一隻又一隻！嚟到啲你估唔到係居酒屋會食到嘅嘢～芝士白汁焗西蘭花同椰菜花～呢間桻之燒用嘅芝士超濃超滑～保證有驚喜！雞皮燒到脆嘅鷄皮蝦膠卷極邪惡～脆卜卜～正呀～清酒大隻大蜆一個字：鮮甜呀～蠔燒飯團同鰻魚飯團又真心覺得幾特別～燒魚一定係必食～今次老闆推薦咗泥鯭，多肉又一啲都唔腥，廚房工力冇翻咁上下都做唔到！呢度仲有好多好酒～啲嘢食賣相仲堅靚～真係要影相厄like吓，一定要介紹朋友再嚟！
喺香港主打串燒嘅居酒屋可以話開到成行成市，不過想搵間好食又就腳都幾難，今次同朋友去咗筲箕灣東大街，食咗間叫桻之燒嘅居酒屋，真心同大家推介吓。
我哋差不多8點幾去到東大街，拍車都算容易，一入到去坐低，menu 好多選擇，老闆亦介紹一啲招牌菜，唔洗一陣，啲嘢食就續樣到，先嚟咗松葉蟹多士，個蟹肉醬好濃，咬落啖啖蟹肉，好開胃～
再上就有三款漬物～有秋葵、牛展粒同牛蒡，全部都好入味開胃～
雞泡魚干，燒得唔乾身仲保持juicy～送酒一流呀，再接我哋又order咗成塊面咁大嘅手打墨魚餅，超彈牙！
有味醉香雞翼如果你以為係普通醉雞就錯過哂，原來係炸雞翼版，外皮香脆得嚟仲保持多汁，大陣酒香忍唔住食完一隻又一隻！
嚟到啲你估唔到係居酒屋會食到嘅嘢～芝士白汁焗西蘭花同椰菜花～呢間桻之燒用嘅芝士超濃超滑～保證有驚喜！
雞皮燒到脆嘅鷄皮蝦膠卷極邪惡～脆卜卜～正呀～
清酒大隻大蜆一個字：鮮甜呀～
蠔燒飯團同鰻魚飯團又真心覺得幾特別～
燒魚一定係必食～今次老闆推薦咗泥鯭，多肉又一啲都唔腥，廚房工力冇翻咁上下都做唔到！
呢度仲有好多好酒～啲嘢食賣相仲堅靚～真係要影相厄like吓，一定要介紹朋友再嚟！
張貼
