勇記海南雞

營業中

休息中

慕五星酒店主廚既名氣而來，知道排隊既人太多，店家都好有心地安排員工維持秩序，唔影響其他店既門面，而又保持有禮，實在難得。等左大約45分鐘，同店家所講既相若，餐牌主打都係海南雞，差在係要例牌配飯、半隻還是一隻，當然仲有名物椰子雞湯。因為疫情關係勇記暫停左堂食，咁一場黎到當然買盡啲，就帶左全隻雞番屋企，油飯都配左一碗，只可惜係未有椰子雞湯！全隻雞配有兩小盒特色醬汁，感覺係甜、酸、辣融於一身既味道，雞肉本身十分鮮嫩，係連雞胸位都保持滑溜，的確係坊間中好少見，大廚多年功力唔係吹噓出黎。油飯都有陣陣香氣，飯筒表示仲想再食多幾轉！😝而為左椰子雞湯點都要再去拜會下。