影片
更多
2008-09-18
晚上七時多在咐近買完野,見到有越南野食就鬼迷咁入左去,見到有訂位果D坐卡位好似好舒服,但我地果張檯得2尺X2尺半就真係細左D!越南春卷----炸得好脆同乾身,個人認為最正呢樣!因為佢地用個入左水既樽好似插花咁,插好多金不換呀薄荷葉呀香葉比你用來同生菜包春卷食,生菜又夠數唔會食到最尾個兩條唔夠包!蒸粉包----份量剛剛好!一客兩件,雖然個粉包未算做得好薄,但餡料十足同裡面無咩肥肉,好味!柚子沙律----柚子肉清甜同去核去衣去得好乾淨,調味配料比例落得好好,唔會蒜片蝦米唔值錢就搏命落,咬到牙都軟!生牛河----呢樣就麻麻地,牛肉份量算多但河粉太淋一就爛晒同埋個湯得個咸字,仲比魚露你點牛肉......仲咸!芒果帶子米紙卷----呢個相對就差D,因為本身味道比較淡加埋個汁份量小,點完都無咩味!咖喱炆羊膝----炆得好淋好入味仲食到有"羊味",唔會好似有D地方你叫羊肉但出來只不過係一舊唔知係乜鬼炆到爛晒既肉!墊底D薯蓉都好正,但可惜一陣間D咖喱汁就索晒!法包----無食到...因為已經好飽同個咖喱都無晒汁點!兩杯萍果玫瑰荔枝滑冰----呢杯真係好飲,真係每樣味都會飲到D!強!雖然我唔飲酒但見到個
越南春卷----炸得好脆同乾身,個人認為最正呢樣!因為佢地用個入左水既樽好似插花咁,插好多金不換呀薄荷葉呀香葉比你用來同生菜包春卷食,生菜又夠數唔會食到最尾個兩條唔夠包!
蒸粉包----份量剛剛好!一客兩件,雖然個粉包未算做得好薄,但餡料十足同裡面無咩肥肉,好味!
柚子沙律----柚子肉清甜同去核去衣去得好乾淨,調味配料比例落得好好,唔會蒜片蝦米唔值錢就搏命落,咬到牙都軟!
生牛河----呢樣就麻麻地,牛肉份量算多但河粉太淋一就爛晒同埋個湯得個咸字,仲比魚露你點牛肉......仲咸!
芒果帶子米紙卷----呢個相對就差D,因為本身味道比較淡加埋個汁份量小,點完都無咩味!
咖喱炆羊膝----炆得好淋好入味仲食到有"羊味",唔會好似有D地方你叫羊肉但出來只不過係一舊唔知係乜鬼炆到爛晒既肉!墊底D薯蓉都好正,但可惜一陣間D咖喱汁就索晒!
法包----無食到...因為已經好飽同個咖喱都無晒汁點!
兩杯萍果玫瑰荔枝滑冰----呢杯真係好飲,真係每樣味都會飲到D!強!
雖然我唔飲酒但見到個凍酒櫃有好多款揀.
食物上檯速度好快但張檯唔夠位擺.
待應們招呼很好,但有D好笑,佢幫我地兩個人落完Order之後仲問:駛唔駛炒多個菜?
雖然我係好大件.................
張貼