容記小菜王 (已易手)

先禮後兵，食物質素及味道是比很多食肆好，特別是燒肉，皮不會甩，很脆，一層肉一層脂肪，脂肪只是薄薄的，不膩。墨魚咀炸得夠火候，不淋，也脆，百花釀豆腐的蝦膠很彈牙，好香蝦肉味。可惜吊高嚟賣的態度實不敢恭維。未齊人唔俾入座很合理，我不會反對，不過原來還有一些吉檯 (到我們最後埋單時才有人入座) 咁就代表自己高估了受歡迎程度，況且講明7點齊人，你話8:15交檯，不成問題吧，仍然唔俾入，坐了20分鐘外面，未齊人都俾入，咁你不如不要訂這種當人水泡的規矩。況且，同時有記者登記，未齊人都立即可入座，這更不是規矩了。點菜也是，不禮貌的說話，食得咁唔開心，幾好食都假。一家人食晚飯，唔係只是為了食物，開心的氣氛更重要，食到成肚氣的話，洗乜幫襯你呢？