文記傳統車仔麵 (已搬遷) 新店位置

收工來到呢度食0的野頂住肚餓，見到有張告示貼左出來﹗原來呢間文記老店只係做到下年3月尾，之後就搬去利基大廈的新鋪﹗就味道而言新鋪我都食過，同呢間真係差好遠，特別係個碗仔翅，可能0個面去得慢的問題，食過一兩次個感覺好似食芝麻糊咁，唔得﹗今次食左沙爹魷魚同埋魚旦，再加多個魚肉翅﹗魷魚爽勁彈牙一向都係我成日來呢度既地方，最重要仲係佢個沙爹汁較得好好味，少少辣多多蒜香，一流﹗魚肉翅夠份量，不杰不稀，魚肉又夠多，加少少醋吊吊味食落更過癮，食哂三樣野真係差不多飽哂﹗