喇沙 (已結業)

是日有事要到大角咀，午飯時間即刻飛去奧運站（但唔記得左帶相機），之後見仲有少少時間先要返去，就到左大全街的喇沙。雖然係午飯時間，但依間舖同神廚館一樣係冇咩人的，奇怪。大熱天時，真係見到碗湯麵都已經流汗，所以最後都係叫左個特式咖哩牛腩，有飯同鬆餅揀的，選了後者。咖哩當然係整定的，而個鬆餅就見到透明的廚房入面既印度師傅好落力咁不斷整，好快就有得食了。啲野食係擺左係個盤上，最大格的擺鬆餅，另外兩格放左兩個細碗，一個係咖喱，一個係雜菜。見到有咁多菜，對於我依啲唔會主動叫菜食的人來講都係一件好事，幾開心的。第一時間就夾左舊牛腩去試，煮得夠腍亦都幾入味，好食﹗之後，即刻搣左少少鬆餅點咖哩食先至發覺唔妥 -- 咖哩冇香味的，但啱啱舊牛腩又好似OK既？再試真啲，真係喎，咖哩缺乏香味，既唔似印度咁用大量的香料，又唔似東南亞咁用上椰漿...。個牛腩本身有調味同可能因為用咖哩煮過一段時間，味道較為好，但如果就咁食或用上鬆餅去點就食得出咖哩本身的味道...。其實並唔係差的，如果係茶餐廳的話可能會收貨，但作為一間東南亞餐廳實在做得不夠好呢。除左咖喱唔夠香之外，其實其他各方面都做得很出色的。鬆餅好食，鬆之餘亦夠香