唇茶 (旺角中心第一座) (已結業)

之前已經聽過呢間最特別係有桃膠，高纖美顏，比起常見既台式飲品既配料，好似珍珠仙草芋圓呢類，桃膠就顯得又健康d又幾好味，所以都試一試佢。相比附近既飲品鋪頭，呢間特別多人，但都係等左8分鐘到就有。今次揀左六月飛雪。主要有雪梨乾、南北杏等，當然有桃膠。我見佢menu入面大部分飲品都會有桃膠。由於揀左半糖，所以都唔甜，飲落似平時飲既糖水，純粹轉左用飲管既方式飲咁。入面都十分足料，雪梨同南北杏既味道好出，桃膠好有咬口。當然同台式飲品既味道同口感好唔同，間唔時轉下款都唔錯。我最鍾意佢有大細杯揀，有時食下野又想飲下飲品，唔需要太大杯，呢個細杯份量剛好。另外都試左朋友個杯桂花烏龍，桂花味香，茶味偏濃，幾好味，鍾意茶香既都可以揀呢個。