湯底用3款蠔熬製，鮮甜濃郁，蠔味到爆！蠔香撲鼻，濃厚蠔湯底作為愛蠔者嘅我係飲晒😛，配埋彈牙麵條，呢種麵身同係日本食到嘅一樣。再加埋軟嫩叉燒同溏心蛋，成碗麵真係超日本！
煮干雞白湯拉麵湯底無蠔咁稠身，但味道都好好味濃郁。麵條彈牙掛湯，呢個麵質真係要讚，好食。雞肉煮得好好，啖啖肉得黎又唔會鞋口，同叉燒一樣好食。
追加左小食醬油鮑魚，店員話係鮮六頭鮮鮑，真係又厚大又鮮。醬油入味得嚟但唔死鹹，鮑魚質感彈牙，加上凍食更Q彈，正！
飲品晴王麝香白葡萄梳打，我第一次飲，好香好日本，唔係好假嘅甜味，加上係梳打，飲完夠晒refreshing，平衡返呢餐嘅濃郁滋味。
