影片
更多
2011-12-30
104 瀏覽
無意間喺openrice度睇倒Le Mieux Bistro有咁多happy face，所以表妹打電話黎約肥表哥食lunch時，我就提議搵埋兩位靚媽去依間私房西餐廳試下。當日公司比較忙，為慳時間，一早叫表妹訂定位，重叫佢幫我叫埋食物，希望一去到就有得食，速戰速決。XO果然遲到，見大廈正門咁多人排隊搭「車立」，唔想屋企人等，餐廳又喺一樓，惟有頂梗上，行樓梯。餐廳門口要自己拉開，差Ｄ重以為自己入錯後門添。餐廳o既長方形間隔整齊潔亮，光線充足，張櫈有層厚墊，坐得小肥好舒服。不過當日都有不滿之處：1)哥仔o既服務態度：除左黑面神上身，頗不友善之外，同佢講野時居然反應欠奉，搞到我好似同空氣講野咁，叫左餐茶都唔知佢有冇落到單？！2)因為午飯時間有限，叫哥仔盡快上我嗰份餐，點知主菜好遲先出，我食完重要等成十分鐘先有甜品食，搞到我兩點先走得；唔知係廚房問題，定係哥仔冇幫我跟進啦！午市套餐只有兩款，分別係$150 Set Lunch，同$290 Deluxe Lunch。我地四個人每套叫左兩份大家分，計落條數，連加一可以話係每位$250，一D都唔平架。套餐提供o既食物都比我地試勻哂，大多數食材都好新鮮，
當日公司比較忙，為慳時間，一早叫表妹訂定位，重叫佢幫我叫埋食物，希望一去到就有得食，速戰速決。XO果然遲到，見大廈正門咁多人排隊搭「車立」，唔想屋企人等，餐廳又喺一樓，惟有頂梗上，行樓梯。餐廳門口要自己拉開，差Ｄ重以為自己入錯後門添。
餐廳o既長方形間隔整齊潔亮，光線充足，張櫈有層厚墊，坐得小肥好舒服。不過當日都有不滿之處：
1)哥仔o既服務態度：除左黑面神上身，頗不友善之外，同佢講野時居然反應欠奉，搞到我好似同空氣講野咁，叫左餐茶都唔知佢有冇落到單？！
2)因為午飯時間有限，叫哥仔盡快上我嗰份餐，點知主菜好遲先出，我食完重要等成十分鐘先有甜品食，搞到我兩點先走得；唔知係廚房問題，定係哥仔冇幫我跟進啦！
午市套餐只有兩款，分別係$150 Set Lunch，同$290 Deluxe Lunch。我地四個人每套叫左兩份大家分，計落條數，連加一可以話係每位$250，一D都唔平架。套餐提供o既食物都比我地試勻哂，大多數食材都好新鮮，有一兩道菜都煮得好出色，不過當中亦有效果做得麻麻o既。
Deluxe頭盤之Seafood platter (Sea Whelk, Scallop Sashimi, Slow-Cooked Salmon and Angel Shrimp)：四款都非常鮮甜，厚厚o既帶子刺身尤其嫩滑，三文魚同天使蝦都帶爽，螺就煙煙韌韌，正！
Deluxe沙律之Seared Duck Liver with Fresh Fruit Salad：鴨肝外層煎得脆，不過睇相都知燶左少少；咬落去，意外地入面都算幾滑溜，所以估計煎o既時候用火太猛。生果沙律有甜有酸，見倒表妹對眼食到變左一條線，我就當然好禮讓地比哂媽咪食啦，哈哈！
Deluxe餐湯之French Onion Soup：洋蔥湯好夠水，料o既份量唔會過多，幼幼o既洋蔥絲半爽半腍，好有口感；面層嗰塊包就更加精彩，邊脆包心腍，芝士味香濃，所有食材o既配合令整個湯變得非常細緻，讚！
普通餐湯之Bellpepper Veloute with Salami：忌廉湯好夠香滑，而且唔溜，感覺好似新鮮打出黎咁。用salami薄片黎調味，個湯可以同一時間又甜又咸又辣，好得意，組合好新穎。
普通意粉之Penne with Portabello Mushroom in Cream Sauce：除左賣相唔多吸引，可以話係餸如其名，好齋，亦好dry，味道淡得好冇character，失敗！
Deluxe主菜之Slow-Cooked US Short Rib of Beef and King Prawn Gratinated with Seafood Mousseline：牛肉夠粉紅，我鍾意，不過咬落唔夠juicy，差咁少少。隻釀大蝦都幾溜下，而且唔係好食得出任何海鮮味，個人唔係好識欣賞囉。
普通主菜之Panfried Snapper with Roasted Duck Breast：個魚煎得香口乾身，肉質嫩滑，簡單地用胡椒同鹽黎調味已經好好味。鴨胸夠腍夠軟，配埋個汁食好啱XO口味。
甜品之Tiramisu with Homemade Raspberry ice-cream：Tiramisu又甜又溜，好彩份量唔多，所以重頂得住。不過唔知係咪先食tiramisu所致，個雪糕同底層o既生果酸到小肥皺哂眉。
總結：灣仔區，街市樓上舖，四道菜o既西式套餐，主菜餐湯乜都冇得揀，重要份量比較適合細食o既女士們，最低消費都要成$165，真係唔係幾化算。我喺隔離街食個正中日式海膽拖羅飯餐重平過佢，似乎要我返黎幫襯Le Mieux Bistro都好有難度囉！雖然佢地都好多客，不過XO都想建議餐廳可以請一D友善少少o既服務生，同埋可以為我地依D收入唔多o既灣仔打工仔加設一份再平起碼一半o既套餐。張貼
