夏麵館 (已搬遷) 新店位置

九龍站圓方裡面的食店，大部分價錢都比較貴，相對較便宜的確實唔多，呢間可算係其中一間走較為大眾路線的，所以每次經過都見有唔少人排隊。呢日第一次幫襯，終於可以一試呢間店的水準。在外面排隊等了十來分鐘，終於可以入內，連隨點菜（其實在外面排隊時己拿過菜牌揀定了），叫了一個片兒川煨麵（即係有豬肉同筍的煨麵）、一碟麻醬腰片同一客小籠包。在三樣嘢裡面，個麻醬腰片係較好嘅，一來呢個前菜在其他同類店舖比較少見，二來味道都唔錯，幾開胃。不過個煨麵就唔係咁得啦，唔知係咪d湯多得滯嘅關係，食唔出煨麵個種麵身被上湯浸到又軟又嫰那種質感，同普通麵冇乜分別。至於d小籠包也不太好，d包皮略厚了點，湯汁也不太夠。吃罷三味主菜，再叫之前預留空位吃的甜品--------擂沙湯丸。侍應話要等15分鐘，冇所謂啦，咪食住等囉，過左十來分鐘，新鮮滾熱辣的擂沙湯丸送到，賣相都幾精緻，四粒湯丸都有錫紙包住，一口一個吃進肚，熱辣辣甜到漏的芝麻餡在口腔中盤旋不去，口感不錯，不過就油膩了點。雖然呢度人係多左d，環境不太寧靜，不過價錢尚算合理（話晒都在圓方入面，唔係開在環頭環尾），服務又唔係咁差，都算正常同ok喎，感覺冇之前其他人話咁差，係唔