海南少爺 (已結業)

今日去左海港城買野，買野之前去左海南少爺去食個lunch。餐廳以深藍色配金色為主，加上舊式擺設，優雅之餘而且帶點復古韻味。經店員介紹，原來餐廳設計以少爺別院入面大宴親朋為藍本，令大家仿如置身於少爺昔日既餐宴之中。 ⦁馬來西亞肉骨茶（藥材）$178尼款肉骨茶選用了16種上等藥材及食材，簡直係藥食同源既最好之選。另外可以係三吋排骨、豬手、豬腩肉、豬肚入面揀兩款，我地揀左好入味既三吋排骨同膠質滿滿既豬手。仲配埋響鈴、豆卜、支竹、炸魚皮同埋油條添，非常豐富。 ⦁椰香海鮮喇沙 $128喇沙湯底用上自家制既馬拉盞、薑花等香料去慢煮，加以海鮮配料、流心鴨蛋、米線和米粉。整體黎講湯底好濃，海鮮好新鮮，仲帶點微辣。 ⦁印度手帕酥餅配咖哩汁 $62印度酥餅超酥脆，咖哩汁好重印度香料味，唔算好辣，但好惹味。必！嗌！ ⦁椰香桂圓紫米露 $68個人覺得椰香味重但偏甜，不過紫米同桂圓肉都好多，足料取勝。 ⦁熱帶雨林 $28入面有石榴、番石榴、菠蘿、香橙整成，味道有D似fruit punch，但唔會太甜。 ✨溫馨提示：茶芥 $8/位，開瓶費 $50/瓶，切餅費全免。