影片
更多
2025-05-11
3 瀏覽
尖沙咀 ｜ 鐵火堂平靚正自選刺身丼🥺呢間位於厚福街嘅鐵火堂，食到而家都仲係間唔中會幫襯，原因好簡單：性價比實在太高！佢哋主打自選刺身丼飯，選擇多達30款刺身任你自由配搭，4款只需$62，5款都只係$72（午市冇加一！）包埋麵豉湯，仲可以無限添飯，真係抵到爆！今次我點咗5款刺身：三文魚、油甘魚、三文魚子、碎蔥吞拿魚（仲添咗一次飯）每款刺身都有兩大片，厚切而且新鮮，食落好爽口。三文魚子份量多到開心，油甘魚肥美得嚟油脂分佈均勻，吞拿魚甜香滑口。唯一少少失望係劍魚腩，筋位比較多，下次會轉返炙燒三文魚腩！講到炙燒，佢哋嘅炙燒三文魚丼真係必試！拖羅絕對唔係求其俾你幾片，選中拖或大拖脂肪豐富，入口Creamy，咬落仲會有溶化感，性價比完勝好多日本料理店！另外，店員服務態度好親切，反應快，未舉手已經識行埋嚟幫手，坐得舒服，感覺輕鬆。夜晚嚟食要有心理準備排隊，不過平日8點半左右就開始有位，唔駛等耐，小貼士記低！
呢間位於厚福街嘅鐵火堂，食到而家都仲係間唔中會幫襯，原因好簡單：性價比實在太高！
佢哋主打自選刺身丼飯，選擇多達30款刺身任你自由配搭，4款只需$62，5款都只係$72（午市冇加一！）包埋麵豉湯，仲可以無限添飯，真係抵到爆！
今次我點咗5款刺身：三文魚、油甘魚、三文魚子、碎蔥吞拿魚（仲添咗一次飯）
每款刺身都有兩大片，厚切而且新鮮，食落好爽口。三文魚子份量多到開心，油甘魚肥美得嚟油脂分佈均勻，吞拿魚甜香滑口。唯一少少失望係劍魚腩，筋位比較多，下次會轉返炙燒三文魚腩！
講到炙燒，佢哋嘅炙燒三文魚丼真係必試！拖羅絕對唔係求其俾你幾片，選中拖或大拖脂肪豐富，入口Creamy，咬落仲會有溶化感，性價比完勝好多日本料理店！
另外，店員服務態度好親切，反應快，未舉手已經識行埋嚟幫手，坐得舒服，感覺輕鬆。夜晚嚟食要有心理準備排隊，不過平日8點半左右就開始有位，唔駛等耐，小貼士記低！
張貼