樂意點心

營業中

休息中

今日陪屋企人行 isquare 諗住添置秋冬衣物，點知行到漢口道果陣話食左野先再行，我梗系上網搵啦！發現附近有間都出名食點心的店舖，最後決定一試。環境細小，人流頗多，裝修風格高尚。整體環境乾淨舒服，提提大家，人多起上黎預左要等位。餐廳茶的款式🍵有菊花、普洱、香片，但沒有鐵觀音，最後我地嗌了菊普，下午茶的茶芥 $5 /位。 【絕對套餐】$68/份，包含一款籠仔飯，一款燉湯或湯餃，如果想再豐富d就另外加錢揀選小食或點心，亦見餐廳店內基本上一人一份。所以嗌了一份share食，籠仔蒜蓉龍蝦配帶子飯（半隻）+$50，配鮮花甲粉絲湯+$10 。半隻龍蝦🦞都好大隻，啖啖都系肉，味道濃郁，基本上一份可以當一餐。而花甲湯🐚材料不少，非常鮮甜。 ⦁帶子菜苗餃 $26⦁鮑汁花膠鵝掌 $38⦁生煎菜肉包 $16⦁椰汁桂花糕 $20 咁多款點心，我就最喜歡系生煎菜肉包，香脆的外皮，入面的椰菜同肉好柔軟。而屋企人覺得用$38食到花膠筒，已經物超所值，個人覺得醬汁偏多，不過用來配飯就岩岩好。而菜苗餃的帶子都好大粒，餡料入面都夾雜迷你版帶子，口感十足😋😋😋。