影片
更多
2023-02-14
2342 瀏覽
同朋友聚餐去得多放題 但係聖誕左近食西餐好似都幾有feel咁 於是我地就去左呢間英式風格嘅西餐試下 雖然燈光偏昏暗 但係入口已經擺放左一棵差唔多高過半個人嘅聖誕樹 有客人係度影相添！menu得一版所以選擇唔算多 但係已經有唔同種類 例如appetizer main pasta等 所以係有限嘅選擇入面我地就唔使糾結啦🥩Hanging Tender(medium)💰330今日嘅主角就係medium嘅牛肉啦 我係揀左黑椒汁 淋上去之後會更有食慾 肉本身外皮已經燒到焦糖色 但係入面仲係粉嫩流汁嘅樣 而肉本身嘅味已經有D酸眯眯嘅感覺 應該加左其他配料醃 不過就唔係好啱我胃口 但係肉質真係嫩 一啖入口就入口即溶 🍕Smoky Barbecue Chicken Pizza💰198見pizza入面呢個有手指公 咁我地就選擇左呢隻 原來佢係薄底pizza 好似餅乾咁嘅厚度係偏脆嘅 但同時係佢較輕嘅本體上承載左份量龐大嘅芝士瀑布 所以一拎起pizza嘅邊緣中間就會墮落去 要用叉去兜住🤭 pizza煙燻口味唔算好突出 紅椒嘅存在令佢變得甜酸感更重🌮Loaded Nachos💰130it‘s called l
同朋友聚餐去得多放題 但係聖誕左近食西餐好似都幾有feel咁 於是我地就去左呢間英式風格嘅西餐試下 雖然燈光偏昏暗 但係入口已經擺放左一棵差唔多高過半個人嘅聖誕樹 有客人係度影相添！
menu得一版所以選擇唔算多 但係已經有唔同種類 例如appetizer main pasta等 所以係有限嘅選擇入面我地就唔使糾結啦
🥩Hanging Tender(medium)
💰330
今日嘅主角就係medium嘅牛肉啦 我係揀左黑椒汁 淋上去之後會更有食慾 肉本身外皮已經燒到焦糖色 但係入面仲係粉嫩流汁嘅樣 而肉本身嘅味已經有D酸眯眯嘅感覺 應該加左其他配料醃 不過就唔係好啱我胃口 但係肉質真係嫩 一啖入口就入口即溶
🍕Smoky Barbecue Chicken Pizza
💰198
見pizza入面呢個有手指公 咁我地就選擇左呢隻 原來佢係薄底pizza 好似餅乾咁嘅厚度係偏脆嘅 但同時係佢較輕嘅本體上承載左份量龐大嘅芝士瀑布 所以一拎起pizza嘅邊緣中間就會墮落去 要用叉去兜住🤭 pizza煙燻口味唔算好突出 紅椒嘅存在令佢變得甜酸感更重
🌮Loaded Nachos
💰130
it‘s called loaded and i realized why when it appeared 係個鐵鍋入面有塊芝士做成嘅被kum住D粟米脆片 下面仲有D沙律菜 係對面就有三種顏色嘅配料 分別係紅色嘅番茄莎莎 綠色嘅牛油果泥同埋白色嘅酸奶油 食個陣就要撩起一塊裹上芝士嘅粟米片 跟著搽滿三種配料 一次過咬落口口感先豐富 粟米片本身冇咩味 加埋就有唔同風味✌🏻
🍝Spaghetti Bolognese
💰185
其實意粉總共有三種 我地首先揀左肉醬意粉 呢度嘅肉醬味道偏酸 以突出番茄嘅鮮味為主 所以會比較濕潤 而麵山上面都撒滿左芝士飄雪 一條條芝士碎係撈勻之後就全部融化入肉醬山入面 整體口感比較酸 意粉唔算特別有韌勁👐🏻
🍝Spaghetti Carbonara
💰180
到最後朋友未滿足就嗌多左個卡邦尼意粉 呢度嘅做法就係奶油加煙肉 上面都有D硬身嘅煙肉同芝士碎 呢隻意粉質地望上去好似比較硬身D 我個人覺得食卡邦尼意粉要用硬D嘅意粉先可以配上creamy嘅口感🫢
呢間餐廳氛圍真係好好 我地食個日連續三台客人生日 而餐廳員工都會唱生日歌送蛋糕 座位都好寬闊 坐得好舒服 同朋友係咁吹水都得！
📌 The Chop House (尖沙咀)
尖沙咀彌敦道132號美麗華廣場一期3樓301及305號舖
張貼
