影片
更多
2019-12-11
165 瀏覽
醬油蟹$130幾乎每枱都會點！蟹由韓國空運到港，餐廳用醬油製成。媽咪話啲肉食落好綿😋 爸爸話蟹肉非常新鮮😍 我就話啲醬油好香，好食到細佬話想encore! (不過我唔批準佢食咁多，佢太肥😗） 老闆都落場幫手，落手落腳做，全部員工都勤奮有禮，面帶笑容，好歡迎客人嘅感覺❤️ 而家做生意都真係要攞個心出嚟，客人會感受到👍🏻 難怪平日都咁多人，聽講星期四、五都要book位先得！適逢聖誕佳節，已經有啲聖誕佈置，好有氣氛🎄 通常我去韓燒都係燒牛，豬就只揀護心肉（豬最正嘅一部分），不過今次試埋三花豬肉同豬肋骨，估唔到豬都可以咁juicy，調味偏甜，就算未調味嘅肉都食到高汁嘅肉香，再配上餐廳預備嘅醬料，好惹味，呢間麻油特別香！燒豬真係比燒牛更有耐性，員工、老闆一得閒都會幫手燒，好friendly🥰👍🏻❤️食肉食得太多會膩，好在呢間唔算太油，又有無限量嘅菜供應！海鮮揀咗呢度最出名嘅大蝦（已剝殼！！）同芝士帶子大蝦🍤勁爽滑，食蝦頭嘅都可以taste到膏汁！而芝士粒同帶子放落錫紙兜到燒，帶子融入芝士醬汁，超級滑同美味😋最後仲食咗碟海鮮燒餅，唔使自己燒嘅，細佬話好似燒蠔餅咁，不過啲材料就有好多海鮮，有我愛食嘅魷魚
醬油蟹$130幾乎每枱都會點！蟹由韓國空運到港，餐廳用醬油製成。媽咪話啲肉食落好綿😋 爸爸話蟹肉非常新鮮😍 我就話啲醬油好香，好食到細佬話想encore! (不過我唔批準佢食咁多，佢太肥😗）
老闆都落場幫手，落手落腳做，全部員工都勤奮有禮，面帶笑容，好歡迎客人嘅感覺❤️ 而家做生意都真係要攞個心出嚟，客人會感受到👍🏻 難怪平日都咁多人，聽講星期四、五都要book位先得！適逢聖誕佳節，已經有啲聖誕佈置，好有氣氛🎄
通常我去韓燒都係燒牛，豬就只揀護心肉（豬最正嘅一部分），不過今次試埋三花豬肉同豬肋骨，估唔到豬都可以咁juicy，調味偏甜，就算未調味嘅肉都食到高汁嘅肉香，再配上餐廳預備嘅醬料，好惹味，呢間麻油特別香！燒豬真係比燒牛更有耐性，員工、老闆一得閒都會幫手燒，好friendly🥰👍🏻❤️
食肉食得太多會膩，好在呢間唔算太油，又有無限量嘅菜供應！
海鮮揀咗呢度最出名嘅大蝦（已剝殼！！）同芝士帶子
大蝦🍤勁爽滑，食蝦頭嘅都可以taste到膏汁！而芝士粒同帶子放落錫紙兜到燒，帶子融入芝士醬汁，超級滑同美味😋
最後仲食咗碟海鮮燒餅，唔使自己燒嘅，細佬話好似燒蠔餅咁，不過啲材料就有好多海鮮，有我愛食嘅魷魚呀😍
飲品櫃除咗有韓式飲品 - 忌廉溝鮮奶、桃汁、cider......仲有港式飲品、汽水......細佬極鍾意桃汁，仲叫餐廳畀冰底，用酒杯裝，好爽😍 爸爸都飲咗Hite 生啤，呢間有酒飲 🍻 好chill
呢餐咁好食😋 可惜細妹唔得閒，不過其餘屋企人都食得好開心🥳 日後同朋友仔聚會可以考慮喔🥰
張貼
