彌敦左岸

營業中

休息中

假期期間嘆下晚餐。彌敦左岸位於尖沙咀K11 後面，好岩行完街黎食。烤法國原條野生多佛龍脷魚皇好大條，係我兩隻手掌size。平時好少原條食龍脷柳，今次以整條烤嘅製法，更顯魚味，魚皮亦有微微烤味。汁方面以蕃茄汁做主，酸酸甜甜。特別喜歡旁邊吸曬醬汁嘅麵包粒。配料有焗薯、烤蔬菜。爸爸發板點西班牙黑毛豬火腿薄餅，估唔到Pizza都咁出色。材料好足，黑毛豬火腿平均分配，每片pizza 都有。黑毛豬咸香加微苦火箭菜配巴馬臣芝士極夾。Pizza仲用咗Mozzarella芝士，輕易做到拉絲效果。放假人都開心啲，胃口都大啲。追加咗小食，意大利生牛肉他他。簡單就是美，配少少檸檬汁就帶出牛肉甜味，整體他他好清新。生蛋synchronise所有材料，亦增加濕潤感。食完令我對他他興趣大增。針對節日，點咗餐廳期間限定嘅cocktail去chill下，記念如花美麗及珍貴嘅假日。Just Left from Clover-Club，易入口。期待下次假期來臨，再發掘美食。