鉄人大盛

聽同事講尖沙咀開左一間有鐵板燒既放題餐廳，心郁郁就約左幾個朋友黎試。
壽司刺身比想像中好食，推薦食油甘魚同埋三文魚腩！鐵板燒方面都有出面千幾蚊既質素，師傅手勢有板有眼，好似睇左一場表演咁，我又口多多問師傅有冇得放個火黎睇，師傅竟然話有真係好正鐵板一口牛、魚扒真係好好味，食完一輪再叫多左一輪，超級好食。餐廳裡面有啲公仔機比人玩，我同朋友都唔太識玩，果到店員有教左小小技巧，雖然最尾無夾到，不過真係好有愛！！環境乾淨整齊，店員都好有禮貌
總結黎講，鉄人大盛依間鐵板燒放題好值得大家黎食，性價比極高，黎緊我都準備同屋企人再黎食，好耐無同屋企人聚一聚啦～