影片
更多
2023-10-03
23 瀏覽
之前經過發現原來呢到有間火鍋位於大廈2樓，就約埋朋友收工黎打吓邊爐。餐廳門口擺放咗各式各樣嘅招財貓，非常有特色。座位闊落舒適，乾淨企理。花月宮特色四格鍋 $268我哋揀咗餐廳最出名嘅呢款四格鍋湯底，有四款唔同口味配料嘅湯底，分別係四川麻辣鍋、藥膳花鵰花膠醉雞鍋、黑松露野菌鍋同蕃茄濃湯海鮮鍋。四川麻辣湯底夠麻夠辣，有豬紅、蜂巢豆腐等配料，岩哂鍾意食辣嘅朋友。藥膳花鵰花膠醉雞鍋藥材味香濃，花膠同醉雞係另外上嘅，酒香濃郁，可以食先淥，非常細心。黑松露野菌鍋菌嘅松露同菇菌香撲鼻，有各式各樣嘅野菌。至於蕃茄濃湯海鮮鍋，用咗鮮茄同薯仔去煲，茄味十足，仲有墨魚仔、青口，蝦等海鮮。美國頂級手切封門柳 $238封門柳肉質腍嫩，肉味香濃，師傅手切刀工好，薄薄一片輕輕一淥就食得，岩哂我哋呢d牛魔王。日本北海道花豚豬腩片 $148另外仲叫咗碟來自北海道嘅豬腩片，脂肪部分爽而不膩，肉質爽嫩而且冇豬羶味。田園拼盤 $68健康d叫咗個由唔同新鮮蔬菜組成嘅拼盤，入面蔬菜種類豐富，有好似白菜仔、娃娃菜、油麥菜、生菜、蕃茄、粟米等等。。。花月宮 (尖沙咀)尖沙咀金巴利道68號2樓。。
花月宮特色四格鍋 $268
我哋揀咗餐廳最出名嘅呢款四格鍋湯底，有四款唔同口味配料嘅湯底，分別係四川麻辣鍋、藥膳花鵰花膠醉雞鍋、黑松露野菌鍋同蕃茄濃湯海鮮鍋。四川麻辣湯底夠麻夠辣，有豬紅、蜂巢豆腐等配料，岩哂鍾意食辣嘅朋友。藥膳花鵰花膠醉雞鍋藥材味香濃，花膠同醉雞係另外上嘅，酒香濃郁，可以食先淥，非常細心。
黑松露野菌鍋菌嘅松露同菇菌香撲鼻，有各式各樣嘅野菌。至於蕃茄濃湯海鮮鍋，用咗鮮茄同薯仔去煲，茄味十足，仲有墨魚仔、青口，蝦等海鮮。
美國頂級手切封門柳 $238
封門柳肉質腍嫩，肉味香濃，師傅手切刀工好，薄薄一片輕輕一淥就食得，岩哂我哋呢d牛魔王。
日本北海道花豚豬腩片 $148
另外仲叫咗碟來自北海道嘅豬腩片，脂肪部分爽而不膩，肉質爽嫩而且冇豬羶味。
田園拼盤 $68
健康d叫咗個由唔同新鮮蔬菜組成嘅拼盤，入面蔬菜種類豐富，有好似白菜仔、娃娃菜、油麥菜、生菜、蕃茄、粟米等等。
。
。
花月宮 (尖沙咀)
尖沙咀金巴利道68號2樓
。
。
張貼
