杏甜品 (香檳大廈) (已結業)

起尖沙咀食完飯 好想食甜品 咁啱經過呢間門面勁吸引嘅甜品小店 裏面嘅甜品大致用杏仁茶做主打 不過亦都有其他款式 而且佢地不定時會推出新產品 甜品既質素令人滿意😆🔸椰皇桃膠燉雙皮奶🔸用左成個椰皇裝住雙皮奶同桃膠 裏面嘅雙皮奶奶味香濃 質感幼滑 好味😍 加埋桃膠既粒粒 有咬口 養生得泥好出色🙌🏻🔸呂宋芒小丸子杏仁茶吸吸🔸夏天系芒果🥭當造既季節 一於試吓佢同杏仁茶既組合 芒果肉好香甜 配埋杏仁茶既濃郁味 比例啱啱好 平時唔係好飲杏仁茶既我 都接受到佢嘅味道！🔸龍眼爽冰🔸呢一款真係超級推薦 比我想像中更加好食 一開始以為佢哋嘅冰係用咗水做 不過食落口每一啖都有龍眼嘅味道 味道非常濃郁 龍眼好香甜 亦都有椰果 整體嘅口感非常解暑！