花月宮 (已結業)

尖沙咀高質火鍋推薦，裝潢帶輕奢風格，座位闊落，仲有廳房可以預訂，有特色4格鍋底$268，有四川麻辣，藥膳花雕花膠醉雞，黑松露野菌，蕃茄濃湯海鮮鍋，一次過食到4款惹味滋補湯底，最鍾意係蕃茄海鮮湯，有大量蕃茄，大蝦，蜆，魷魚仔，青口熬製，湯頭酸甜又有鮮味，食得多都唔會膩。另一個有驚喜係黑松露野菌鍋，好香濃黑松露味道，野菌好鮮甜，係比較有特色嘅湯底。自家制炸響鈴$58, 新鮮即炸，熱辣辣，非常鬆脆，吸到湯頭精華特別滋味。萵荀$38, 新鮮清爽。掛架頂級安格斯牛小排$298 ，份量好足，牛味濃，肉質嫩滑，火鍋必備之選。珊瑚桂花雙拼$138, 珊瑚蚌好彈牙，鮮味濃，桂花蚌厚肉嫩彈。