河內大娘越南餐廳 (已結業)

耐唔耐都會想食越南野 不過香港其實無咩正宗越菜。次次黎尖沙咀都係食韓國野，好悶呀！友人提議話不如試下河內大娘，其實我都想試好耐架喇！睇介紹尖沙咀有間 除左pho之外仲有好多唔同選擇。一坐底叫左野飲先，蓮子龍眼冰勁清甜，蓮子同龍眼都食得架！解渴得黎又唔怕太過甜！另外仲叫左黃金蒜香大海蝦同越式烤雞，大海蝦真心冇改錯名，勁大隻！仲幾彈牙添喎，夠新鮮！烤雞都幾大份，最緊要係個汁！越食越開胃！下次會再同朋友一齊黎呀！