461
36
15
餐廳: 鐵板燒海賀
優惠: 國泰會員憑「國泰 - 亞洲萬里通」應用程式內會員二維碼,賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳,付款時須出示「國泰 - 亞洲萬里通」應用程式內的會員二維碼,方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費,每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數,包括合作夥伴餐廳合資格消費之餐膳里賞(每港幣4元賺取1里數)及基本餐飲類別之合資格簽賬獎賞(每港幣4元賺取1里數)。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級4
158
0
同另一半呢段時間都食咗唔少鐵板燒,貪呢到個景靚就同佢過嚟一齊食,畢竟美食配靚景真係冇得輸。覺得最帶到驚喜俾我嘅係甘鯛立鱗燒芒果蛋黃醬,唔淨止個醬有創意,個馬頭魚真係炸得相當唔錯。‣ 秋冬會席 $880·精選秋冬前菜兩點鮟康魚肝香濃順滑,口感似牛油咁滑,一啖就已經感受到濃郁嘅鮮味,一啲都唔腥。海鰻醃製得啱啱好,醬汁入味又唔會太鹹。·秋冬精選刺身一款及金槍魚和甜蝦油甘魚肉質超級爽滑,真係做到爽口清甜。而金槍魚嘅油花分佈均勻,肉質軟滑,入口即溶。而甜蝦新鮮彈牙,相當甘甜,三款刺身厚薄適中,食落去真係覺得好舒服。·松葉蟹大根煮物無論係蟹肉豆腐或者面頭裝飾嘅蟹肉都相當之好食,每一啖都食到濃郁嘅蟹味。而蘿蔔就煮到好入味,吸收晒成個湯汁,個湯本身已經好清甜,飲落去真係暖笠笠。·甘鯛立鱗燒芒果蛋黃醬我個人最鍾意馬頭魚呢道菜,印象最深刻。魚皮炸得相當香脆,你可以睇到一塊塊魚鱗炸到金黃色,咬落去脆卜卜,相當過癮,更加唔使講個魚肉有幾嫩滑多汁。最特別係配搭芒果蛋黃醬,芒果嘅香甜同蛋黃醬嘅香濃完美融合,令成道菜更加豐富,加埋個醬汁更加提升層次。·鐵板燒帆立貝松茸清湯果然凍凍地嘅天氣就係要食松茸,睇住師傅喺我哋
更多
同另一半呢段時間都食咗唔少鐵板燒,貪呢到個景靚就同佢過嚟一齊食,畢竟美食配靚景真係冇得輸。覺得最帶到驚喜俾我嘅係甘鯛立鱗燒芒果蛋黃醬,唔淨止個醬有創意,個馬頭魚真係炸得相當唔錯。
11 瀏覽
0 讚好
0 留言
6 瀏覽
0 讚好
0 留言

‣ 秋冬會席 $880
·精選秋冬前菜兩點
鮟康魚肝香濃順滑,口感似牛油咁滑,一啖就已經感受到濃郁嘅鮮味,一啲都唔腥。海鰻醃製得啱啱好,醬汁入味又唔會太鹹。
2 瀏覽
0 讚好
0 留言

·秋冬精選刺身一款及金槍魚和甜蝦
油甘魚肉質超級爽滑,真係做到爽口清甜。而金槍魚嘅油花分佈均勻,肉質軟滑,入口即溶。而甜蝦新鮮彈牙,相當甘甜,三款刺身厚薄適中,食落去真係覺得好舒服。
0 瀏覽
0 讚好
0 留言

·松葉蟹大根煮物
無論係蟹肉豆腐或者面頭裝飾嘅蟹肉都相當之好食,每一啖都食到濃郁嘅蟹味。而蘿蔔就煮到好入味,吸收晒成個湯汁,個湯本身已經好清甜,飲落去真係暖笠笠。
5 瀏覽
0 讚好
0 留言

·甘鯛立鱗燒芒果蛋黃醬
我個人最鍾意馬頭魚呢道菜,印象最深刻。魚皮炸得相當香脆,你可以睇到一塊塊魚鱗炸到金黃色,咬落去脆卜卜,相當過癮,更加唔使講個魚肉有幾嫩滑多汁。最特別係配搭芒果蛋黃醬,芒果嘅香甜同蛋黃醬嘅香濃完美融合,令成道菜更加豐富,加埋個醬汁更加提升層次。
0 瀏覽
0 讚好
0 留言

·鐵板燒帆立貝松茸清湯
果然凍凍地嘅天氣就係要食松茸,睇住師傅喺我哋面前處理帆立貝,咬落去嘅時候就食到個帆立貝有幾新鮮彈牙。個火候掌握得好好,表面微微燒香,肉質軟嫩,口感一流。松茸嘅香味撲鼻,配埋清湯更加突出個鮮味。
29 瀏覽
0 讚好
0 留言
0 瀏覽
0 讚好
0 留言

·鐵板燒大蝦蜜糖山葵醬
其實淨係講過大蝦本身已經好出色,我覺得唔需要點任何醬汁都已經好好食。新鮮彈牙而且又燒到啱啱好,蝦膏一啲都唔腥,平時好少食嘅我都忍唔住食埋啲膏。個多士都係煙燻過嘅,好有心機處理。
0 瀏覽
0 讚好
0 留言

·鐵板燒美國牛肉眼薄燒
火候掌握得啱啱好,咬落去感覺到係我鍾意嘅生熟度,肉質好豐富。而且個切片厚薄都適中,肉質都好嫩,油花嘅分布都好均勻,鐵板燒嘅香味真係不得了。有時食鐵板燒牛肉都係得一塊,呢到俾足你兩大塊,都俾得幾疏爽。
0 瀏覽
0 讚好
0 留言

·三十六個月風乾伊比利亞火腿炒飯
火腿確實夠晒鹹香,濃郁嘅香味幫個炒飯加咗唔少分,啲火腿又唔會好乾,個飯都炒到啱啱好,粒粒均勻,個份量絕對保證你一定食完覺得飽,再加埋碗好舒服嘅麵豉湯,整體嚟講相當出色。
25 瀏覽
0 讚好
0 留言

·甜品
甜品就係紅豆抹茶布丁,果然去到臨走之前係要食返啲茶類嘅甜品清吓個口腔,「唔係好甜」嘅甜品,絕對係一個好靚嘅收尾。
4 瀏覽
0 讚好
0 留言

‣ Ananas Comosus $108
百香果清新,配搭菠蘿嘅酸甜,再加上青檸酸尾尾,平衡咗成杯嘅甜度。成杯飲落去覺得好舒服,特別當食到有啲膩嘅時候,可以幫你開吓胃。

‣ 20th Gen Rosemary $108
成杯士多啤梨味都好重,而我覺得嗰一撮鹽都真係成杯嘢飲嘅特色嚟,甜中帶鹹嘅味道都真係令人回味無窮,幾有創意。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食