影片
更多
2017-03-05
185 瀏覽
今日同朋友黎慶祝生日，咁啱我地都好鍾意食辣野，就試下呢一間印度菜啦～第一樣就係揀左特餐！雖然Menu寫只係1人份，但事實上2個人食都綽綽有餘一上餐就睇到呆左，真係好多唔同嘅配菜！香料味撲面而來，即刻食指大動呀～根據waitress所講，基本上可以將配菜歸類為咖喱（辣）同yogurt（酸），呢種配搭幾適合呢咖喱方面，幾種唔同嘅配菜有唔同程度嘅辣同口感，保證味道唔會重複！個人試到有最辣，中辣，偏酸嘅辣同偏咸嘅辣第一次可以一次過試到唔同款嘅咖喱真係好激動呀！款款咖喱其實都係比較重口味，一試就知係傳統印象風味～個人最鍾意係中辣個款，因為有啲薯蓉同香料，質感上比較固態，同時比其他款都多左口感，而辣度都係比較易接受同keep住食落去，果斷好評！Yogurt方面，呢間餐廳都推出左好多唔同款同口味嘅新yogurt菜式，耳目一新特餐上有餐廳嘅自制yogurt，同市面買到嘅唔同，口感係比較固態有形，唔係流質，甜酸味道完美平均，即刻除去咖喱嘅香辣味！比較特別嘅仲有印度yogurt，呢個就流質少少，但同時加左好多香料同生果入去，所以口感又更新鮮上口，一流！配菜上仲有應該係湯黎嘅，雖然用料唔同，但幾乎係我食過最
第一樣就係揀左特餐！
雖然Menu寫只係1人份，但事實上2個人食都綽綽有餘一上餐就睇到呆左，真係好多唔同嘅配菜！香料味撲面而來，即刻食指大動呀～
根據waitress所講，基本上可以將配菜歸類為咖喱（辣）同yogurt（酸），呢種配搭幾適合呢
咖喱方面，幾種唔同嘅配菜有唔同程度嘅辣同口感，保證味道唔會重複！
個人試到有最辣，中辣，偏酸嘅辣同偏咸嘅辣
第一次可以一次過試到唔同款嘅咖喱真係好激動呀！
款款咖喱其實都係比較重口味，一試就知係傳統印象風味～
個人最鍾意係中辣個款，因為有啲薯蓉同香料，質感上比較固態，同時比其他款都多左口感，而辣度都係比較易接受同keep住食落去，果斷好評！
Yogurt方面，呢間餐廳都推出左好多唔同款同口味嘅新yogurt菜式，耳目一新
特餐上有餐廳嘅自制yogurt，同市面買到嘅唔同，口感係比較固態有形，唔係流質，甜酸味道完美平均，即刻除去咖喱嘅香辣味！
比較特別嘅仲有印度yogurt，呢個就流質少少，但同時加左好多香料同生果入去，所以口感又更新鮮上口，一流！
配菜上仲有應該係湯黎嘅，雖然用料唔同，但幾乎係我食過最重口味又咸又辣，超級正宗嘅印度菜
之後仲叫左一份印度炸餅， 同樣地份量大得驚人呀！一個炸餅大過我手掌1.5倍左右，見到咁大份就覺得好幸福
炸餅極香脆但又帶少少軟韌，拿捏得啱啱好！同時味道都好香甜，即刻忍唔住叫多一份呀！
如果係唔食得辣嘅朋友，就算唔點配菜，其實都已經超好味，當然點左就又更香更辣啦～
食左咁多重口味嘅野，當然要叫杯果汁中和一下！所以我就叫左一杯香橙西瓜～
一試就知呢一杯絕對係新鮮榨同埋唔係用咩果汁溝出黎，果肉都已經打到碎晒，變左一種綿綿嘅口感
西瓜嘅鮮咪同橙嘅香味融合，為呢一餐劃上完美句號
最後值得一提嘅就係餐廳嘅侍應！雖然全部都係印度人，唔識聽廣東話，但英文絕對係個個都一流的！
溝通其實都好方便，超有禮貌又好helpful，真係不得了嘅服務呢！一定會做回頭客
張貼
