喜聚燒 (已結業)

約咗一個好耐冇見嘅朋友，想搵一間靜靜地 環境又唔錯 可以坐低傾吓計嘅餐廳，朋友就揀咗呢間專門食串燒嘅餐廳🤭 佢喺尖沙咀寶勒巷既一間樓上舖，一入到餐廳 估唔到環境又唔錯 店員服務態度好好，即刻安排入座！除咗串燒見到佢有啲特色招牌菜同埋小食，我哋叫咗：麻辣四姊妹（包括蓮藕、淮山、萵筍、雲耳）👉🏻個醬汁好似啲雞煲咁嘅味 好好食喎！小食叫咗個涼拌牛舌 👉🏻唔太辣 都OK嘅！串燒order了：金菇肥牛卷 👉🏻上面係有海苔同埋一啲日式醬汁 估唔到好夾好好食甜甜地！蜜糖燒雞翼 👉🏻正常發揮，蜜糖味足夠！🍯舖頭海鮮有提供三款，我哋兩個人每人揀咗一款！分別係蟶子王同埋貴妃蚌 兩款都係用蒜蓉醬☺️ 燒完唔會好乾 好鮮甜！其實食物味道都唔錯 調味好好！不過點解另外仲有提供一碟醬汁，酸酸甜甜都幾開胃㗎！同埋仲有辣椒粉孜然粉！💯而且食物種類都唔少，下一次可以再試其他！