由於大家都冇意見，我地點左晚市套餐。
先來前菜，再加壺菊花茶，侍應都好友善。
串茄核桃沙律：蕃茄仔酸甜爽脆，入面仲有核桃粒，食落開胃。
茅台醉鮑魚：茅台酒味香醇，淡淡的，醉鮑魚質感彈牙，正。
普寧布包豆腐：非常香口，炸得外脆內嫩，再點埋鹹味既醬汁，味道唔錯～
胡椒豬肚湯 ：胡椒湯底，有點辣，如果冇咁辣會好d，豬肚爽滑好食。.
日本椒仔炒嫩牛 - 牛肉嫩滑非常，炒得好香，食完一片又一片！
碧綠川椒雞 - 雞肉嫩滑可口。
蜆肉鵝肝炒飯 - 粒粒分明既炒飯，入面真材實料，有好多蜆肉、鵝肝粒，食完有d膩。
最後甜品，燕麥一口薯 - 紫薯軟綿微甜，表面沾滿燕麥脆脆，好鬆脆可口。
overall 高水準, 而且環境, 食物, 價錢都好合理, 性價比高。
